දේශීය
අනුරගේ ෆොටෝ දාන්න කලින් අහන්න? – ඇත්ත මෙන්න
විවිධ උත්සව සඳහා සමරු ඵලක හා විශේෂ සමරු කලාප සඳහා ජනාධිපතිවරයාගේ ඡායාරූප මෙන්ම පණිවිඩ පළ කිරීමට පෙර ජනාධිපති ලේකම් කාර්යාලයෙන් ලිඛිත අවසරයක් ලබා ගන්නා ලෙස සියලු රජයේ ආයතනවලට දැනුම් දී තිබෙනවා.
ජනාධිපති ලේකම් ආචාර්ය නන්දික සනත් කුමානායක මහතා මෙම උපදෙස් ලබා දී ඇති බවයි ජනාධිපති මාධ්ය අංශය නිවේදනය කළේ.
රජයේ අරමුදල් ලබා ගනිමින් සිදු කරන කාර්යයන් සංවිධානය කිරීමේදී රජයේ ප්රතිපත්තියට හා දැක්මට අනුකූල වන පරිදි කටයුතු කිරීම අවශ්ය බවද ජනාධිපති ලේකම්වරයා රාජ්ය ආයතනවලට වැඩිදුරටත් දැනුම් දී තිබෙනවා.
මෙම දැනුම්දීම සිදු කර ඇත්තේ, සියලු අමාත්යාංශ ලේකම්වරු, සියලුම පළාත් ප්රධාන ලේකම්වරු, දෙපාර්තමේන්තු ප්රධානීන්, රජයේ සංස්ථා මණ්ඩල ඇතුළු ව්යවස්ථාපිත ආයතන ප්රධානීන් සහ රජය සතු සමාගම් ප්රධානීන් වෙතයි.
