දකුණු ඉන්දීය සිනමාවේ සුපිරි නළු රජිනි කාන්ත්ට ශ්‍රී ලංකාවට පැමිණීම වීසා ලබාදීම රජය විසින් ප්‍රතික්ෂේප කර ඇති බවට පළවන වාර්තා සම්පූර්ණ අසත්‍ය බව පාර්ලිමේන්තු මන්ත්‍රී නාමල් රාජපක්ෂ පවසයි.
සිය ට්විටර් ගිණුම හරහා පණිවුඩයක් නිකුත් කරමින් ඔහු සදහන් කර ඇත්තේ රජනි කාන්ත්ගේ පැමිණීමට බාධා කිරීමට රජයට කිසිදු අවශ්‍යතාවයක් නොමැති බවයි.
රජිනි කාන්ත්ගේ රසිකයන් විශාල ප්‍රමාණයක් මෙරට සිටින බවත් තමා මෙන්ම තමාගේ පියාද ඔහුගේ සිනමා රසිකයන් බවත් නාමල් රාජපක්ෂ එහි සඳහන් කර ඇත.
ඔහුට මෙරටට පැමිණීමට අවශ්‍ය නම්, ඒ සඳහා රජයෙන් හෝ වෙනත් පාර්ශ්වයකින් හෝ කිසිදු බාධාවක් නොමැති බව ද එම මන්ත්‍රීවරයා සිය ට්විටර් පණිවුඩයෙන් පවසා සිටියි.
News about #Indian veteran actor #Rajnikanth’s visa to enter #Srilanka been denied is nothing but a rumor. Both my father and I, like the many other Sri Lankan’s islandwise are huge fans of his films. If he wishes to visit #lka there will be no hindrances. https://t.co/pGxaq6VuGy
— Namal Rajapaksa (@RajapaksaNamal) January 18, 2020
පසුගිය දිනවල සමාජ මාධ්‍ය ජාලවල සහ සමහර පුවත් වෙබ් අඩවිවල සඳහන් කර තිබුනේ රාජිනි කාන්ත් යනු ඊලාම් හිතවාදියෙකු බැවින් ඔහුට ශ්‍රී ලංකාවට පැමිණීමට පවතින් රජයෙන් අවසර නොදුන් බවයි.
