මාධ්‍යවේදීනියක් මහ මග ඝාතනය කෙරේ
නැඟෙනහිර ඇෆ්ගනිස්ථානයේ කාන්තා මාධ්‍යවේදිනියක වෙඩි තබා ඝාතනය කර තිබේ.
එනිකස් ටීවී සහ ගුවන්විදුලියේ මාධ්‍යවේදියෙකු වන මයිවාන්ඩ් නම් එම මාධ්‍යවේදිනිය ඊයේ (10) සිය කාර්‍යාලයට යමින් සිටියදී තුවක්කුකරුවන් විසින් ඇගේ වාහනයට වෙඩි තබා ඇත. ඇගේ රියදුරු මොහොමඩ් තාහීර් ද වෙශි තැබීමෙන් මිය ගියේය.
මෙම ප්‍රහාරය සිදු කළ බව කිසිදු කණ්ඩායමක් නිල වශයෙන් වගකීම බාරගෙන නැත.
ඇය විසින්, නේටෝ සහ යුරෝපා සංගමය විසින් ඇෆ්ගනිස්ථානයේ මෑතදී එල්ල කරන ලද ඝාතන හෙළා දකිමින් ප්‍රකාශයක් නිකුත් කිරීමෙන් පසුව මෙම මෙම ඝාතනය සිදුව තිබේ.
පළාත් ආණ්ඩුකාරවරයාගේ ප්‍රකාශක අත්තොල්ලා කොගියානි ප්‍රාදේශීය මාධ්‍ය වෙත කියා සිටියේ පහර දුන් අය ප්‍රදේශයෙන් පලා ගොස් ඇති බවයි.
සිවිල් සමාජ ක්‍රියාකාරිනියක වන මයිවාන්ඩ් මීට පෙර රටේ මාධ්‍යවේදිනියක වීමේ අභියෝග ගැන ද කතා කර තිබුණි. සමාජ ක්‍රියාකාරිනියක වන ඇගේ මව මීට වසර පහකට පෙර නාඳුනන තුවක්කුකරුවන් විසින් ඝාතනය කරන ලද බව රොයිටර් පුවත් සේවය වාර්තා කරයි.
ඇෆ්ගනිස්ථානයේ එක්සත් ජාතීන්ගේ සහායක මෙහෙයුම (UNAMA) මෙම ඝාතනය ගෙළා දුටුවේය. ජනමාධ්‍යවේදීන්, ක්‍රියාකාරීන් සහ දේශපාලන චරිත විශාල ප්‍රමාණයක් මෑතදී එල්ල වූ ප්‍රහාර වලින් ඉලක්ක බවට පතව ඇත.
පසුගිය මාසයේ සුප්‍රසිද්ධ හිටපු රූපවාහිනී නිවේදිකාවක් වන යමා සියවාෂ් සහ තවත් දෙදෙනෙකු සමඟ ඔහුගේ මෝටර් රථයට බෝම්බයක් පුපුරා යාමෙන් කාබුල්හි පිහිටි ඔහුගේ නිවස අසලදී මිය ගොස් තිබුණු අතර රේඩියෝ ලිබර්ටි හි වාර්තාකරුවෙකු වන අලියාස් දයී, ලෂ්කර් ගාහිදී සිදුවූ කාර් බෝම්බ ප්‍රහාරයකින් මිය ගියේය. ඇෆ්ගනිස්ථානයේ පළමු කාන්තා අධ්‍යක්ෂවරියක වන සාබා සහාර්ට වෙඩි තබා ඇත්තේ කාබුල් නුවරදීය. ඇය ප්‍රහාරයෙන් දිවි ගලවා ගත්තාය
ඇෆ්ගනිස්ථානයේ ජනමාධ්‍යයට සහාය දක්වන සංවිධානයක් වන NAI ප්‍රකාශයක් නිකුත් කරමින් කියා සිටියේ, “මලලයි ඝාතනයත් සමඟ කාන්තා මාධ්‍යවේදීන් සඳහා වැඩ කරන ක්ෂේත්‍රය කුඩා වෙමින් පවතින අතර මාධ්‍යවේදීන් පෙර මෙන් ඔවුන්ගේ රැකියාව දිගටම කරගෙන යාමට එඩිතර නොවනු ඇති බවයි.
