දේශීය
කාලි පැණිය ෆේල් – පැණියේ අග්‍ර කොටස බිවූ කතානායකත් නිරෝධායනේ
කතානායක මහින්ද යාපා අබේවර්ධන හුදෙකලා කිරීමකට ලක් වී තිබේ.
ඔහුගේ ආරක්ෂකයින් දෙදෙනකුට කොරෝනා වෛරසය ආසාදනය වීමෙන් හේතුවෙන් සිය නිල නිවසේ හුදෙකලා ව සිටින ලෙස සෞඛ්‍ය අංශ විසින් ඔහුට දුන් උපදෙස් අනුව මෙම ක්‍රියාමාර්ගය ගෙන ඇත.
කතානායකවරයාද සඳහන් කළේ සියලු දෙනාගේ ආරක්ෂාව සැලකිල්ලට ගෙන තමන් මේ දිනවල හුදෙකලා ව කටයුතු කරන බවයි. ආසාදිත ආරක්ෂකයන් දෙදෙනා තමන් සහභාගි වූ රැස්වීම් කිහිපයකට පැමිණ ඇතැයිද ඔහු කියා සිටියේය.
මේ අතර වාර්තා වන්නේ සෞඛ්‍ය අංශ විසින්ද උපදෙස් ලබා දුනහොත් කතානායක වරයාද PCR පරීක්ෂණයකට යොමු වීමට සූදානමින් සිටින බවයි.
කෙසේ නමුත්, කතානායක මහින්ද යාපා අබේවර්ධන කොරෝනා මර්ධන කාලි පැණියේ අග්‍ර කොටස පානය කළ ඉහළම පුද්ගලයෙකු වීම ද විශේෂත්වයකි.
