ඉකියෝපියාවේ ත්‍රස්ත ප්‍රහාරයක් – 102 ක් මරුට
ඉතියෝපියාවේ බටහිර කලාපයේ බෙනිෂාන්ගුල්-ගුමුස් හි ජනවාර්ගික පදනම ඔස්සේ සිදු වූ නවතම සංහාරයෙන් පුද්ගලයින් 100 කට වැඩි පිරිසක් මිය ගොස් තිබේ.
අග්‍රාමාත්‍ය අබී අහමඩ්, එම කලාපයට ගොස් මෑතකදී එල්ල වූ ප්‍රහාරයන්ට යුක්තිය පසිඳලීමේ අවශ්‍යතාවය ගැන කතා කිරීමෙන් දිනකට පසුව මෙම ප්‍රහාරය සිදුවිය. ඉතියෝපියාවේ උතුරු ටයිග්‍රේ කලාපයේ මාරාන්තික ගැටුමෙන් මෙම ප්‍රහාරයන් වෙන්ව ඇති අතර ඉතියෝපියානු හමුදා සහ ඊට අනුබද්ධ කලාපීය බලවේග නොවැම්බර් මස මුලදී ටයිග්‍රේ කලාපීය හමුදාවන්ට එරෙහිව සටන් කිරීමට පටන් ගත්හ.
අප්‍රිකාවේ දෙවන වැඩිම ජනගහනයක් සිටින රටේ වෙනත් ප්‍රදේශවල යොදවා ඇති ෆෙඩරල් භටයින් එම ගැටුමට එරෙහිව සටන් කිරීම සඳහා යොදවා ඇති අතර එය රටේ ජාතික ආරකෂාවේ ආරක්ෂක රික්තයක් පිළිබඳ බිය ද මතු කරයි.
එක්සත් ජාතීන්ගේ ඇස්තමේන්තු වලට අනුව, 2018 දී අබී බලයට පත්වීමෙන් පසු ඉඩම් හා වෙනත් සම්පත් සම්බන්ධයෙන් සටන් කරන කණ්ඩායම් අතර ප්‍රචණ්ඩත්වය නිසා ලක්ෂ සංඛ්‍යාත ජනතාවකට සිය නිවෙස්වලින් පලා යාමට සිදුවී තිබේ.
ජනවාර්ගික ආතතීන් විශාල අභියෝගයක් වන්නේ ජනවාර්ගික කණ්ඩායම් 80 කට වැඩි සංඛ්‍යාවක් සිටින රටක ජාතික සමගිය ප්‍රවර්ධනය කිරීමට අබී උත්සාහ කරන හෙයිනි. බටහිර නගරයේ බුලෙන්හි ගොවියෙකු වන බෙලේ වජෙරා රොයිටර් පුවත් සේවයට පැවසා තිබුණේ බදාදා උදෑසන ප්‍රහාරයෙන් පසු තම නිවස අසල කුඹුරක තිබී මළ සිරුරු 82 ක් ගණන් කළ බවයි.
නගරයේ තවත් පදිංචිකරුවෙකු වන හසන් යිමාමා පැවසුවේ සන්නද්ධ පිරිස් උදේ 6 ට පමණ ප්‍රදේශයට කඩා වැදුණු බවයි. ඔහු රොයිටර් පුවත් සේවයට පැවසා තිබුණේ තමා වෙනත් ස්ථානයක සිරුරු 20 ක් ගණන් කළ බවයි. ඔහු සහ සගයන් තුවාල ලැබූවන් 38 දෙනෙකුට ප්‍රතිකාර කර ඇති අතර ඔවුන්ගෙන් බොහෝ දෙනෙක් වෙඩි වැදීමෙන් තුවාල ලබා ඇති බව ප්‍රාදේශීය වෛද්‍යවරයෙක් පැවසීය. පිහියෙන් මරා දැමූ ඔවුන් ගෙවල් ගිනි තබා, පැන යාමට තැත් කරන පුද්ගලයින්ට වෙඩි තැබූ බව රෝගීන් ඔහුට පවසා තිබේ.
මීට පෙර ප්‍රදේශයේ සිදු වූ නවතම ප්‍රහාරය වූයේ නොවැම්බර් 14 වන දින තුවක්කුකරුවන් බස් රථයක් ඉලක්ක කර 34 දෙනෙකු ඝාතනය කිරීමයි.
