යුරෝපා රටවල සිටික වයස අවුරුදු 16 ට වැඩි පුද්ගලයින්ට ෆයිසර් එන්නත ලබා දීම සදහා අනුමැතිය හිමිව තිබේ.
විශේෂඥ රැස්වීමකින් අනතුරුව යුරෝපා සංගමයේ ඖෂධ නියාමකයා පැවසුවේ මෙම මාත්‍රා නිර්දේශ කරන බවයි. “මෙය සැබවින්ම ඓතිහාසික විද්‍යාත්මක ජයග්‍රහණයක්” යැයි ඒජන්සියේ ප්‍රධානී එමර් කුක් පැවසීය. “එය වසංගතයට එරෙහි අපගේ සටනේ වැදගත් ඉදිරි පියවරකි.”
යුරෝපා සංගමයේ විධායක සභාව විසින් අනුමත කිරීම තහවුරු කිරීමට රබර් මුද්‍රා තැබිය යුතු බව එහි ප්‍රධානියා පැවසූ අතර එම පියවර සඳුදා සවස සිදුවීමට ඉඩ තිබේ.
යුරෝපීය කොමිසමේ සභාපති උර්සුලා වොන් ඩර් ලේන් ට්වීටර් සටහනක් තබමින් කියා සිටියේ යුරෝපා වෛද්‍ය ඒජන්සියේ මෙම අනුමත කිරීම “යුරෝපීයයන්ට ආරක්ෂිත හා ඵලදායී එන්නත් ලබා දීමට අප ගත් උත්සාහයේ තීරණාත්මක අවස්ථාවක්” බවයි. “දැන් අපි වේගයෙන් ක්‍රියා කරන්නෙමු. යුරෝපා සංගමයේ විධායක අංශය ඊඑම්ඒ තීරණය අනුමත කිරීමට දින දෙකක් හෝ තුනක් අවශ්‍ය වනු ඇතැයි අපේක්ෂා කරනවා.”
Today we add an important chapter to a European success story, by making available the 1st #COVID19 vaccine for Europeans.
More will come.
It will be available to all EU countries at the same time, on the same conditions #EUvaccinationdays https://t.co/4Xa17PQkMv
— Ursula von der Leyen (@vonderleyen) December 21, 2020
ජර්මනියේ සහ තවත් යුරෝපීය රටවල් කිහිපයක බලධාරීන් පවසා ඇත්තේ මෙම එන්නත දෙසැම්බර් 27 වනදා සිට ජනතාවට ලබා දීමට බලාපොරොත්තු වන බවයි.
“යුරෝපා සංගමයේ කෙන්ද්‍රයේ තිබෙන මෙම විනාශකාරී වසංගතයට එරෙහිව සටන් කිරීම සඳහා යුරෝපයේ පළමු එන්නත ලබා දීමට හැකි එක් පියවරක් වීම ගැන අපි සතුටට පත් වෙමු.” යැයි පැවසූ බයොන්ටෙක් සමාගම, “කොළ එළිය ලැබුණු විගස යුරෝපා සංගමය හරහා මූලික එන්නත් මාත්‍රාව ලබා දීමට අපි සූදානම්ව සිටිමු” යැයි ද පැවසීය.
ප්‍රංශ රජයේ ප්‍රකාශක ගේබ්‍රියෙල් අටල් සඳුදා කැබිනට් රැස්වීමකින් අනතුරුව මාධ්‍යවේදීන් අමතමින් කියා සිටියේ ලබන ඉරිදා වන විට එන්නත් ලබා දීම සඳහා සැපයුම් දාමය ක්‍රියාත්මක වන බවයි. ජර්මනිය මෙන් ප්‍රංශය සාත්තු නිවාසවල සිටින වැඩිහිටියන් වෙත මාත්‍රා ලබා දෙමින් මෙම වැඩසටහන ආරම්භ වනු ඇත.
ඇම්ස්ටර්ඩෑම් පදනම් කරගත් ඊඑම්ඒ යුරෝපා සංගම් සාමාජික රටවල් 27 හරහා සියලුම නව ඖෂධ සහ එන්නත් අනුමත කිරීමේ වගකීම දරන අතර එය දළ වශයෙන් එක්සත් ජනපද ආහාර හා ඖෂධ පරිපාලනයට සමාන වේ. මෙම එන්නත සදහා දැනටමත් අවම වශයෙන් රටවල් 15 ක යම් ආකාරයක නියාමන අවසරයක් ලබා දී ඇත. බ්‍රිතාන්‍යය, කැනඩාව සහ එක්සත් ජනපදය මෙම එන්නත හදිසි විධිවිධානවලට අනුව භාවිතා කිරීමට අවසර දී ඇත. සාමාන්‍ය බලපත්‍ර ක්‍රමවේදයට අනුව ෆයිසර් / බයෝ එන්ටෙක් එන්නත අනුමත කළ පළමු රට බවට ස්විට්සර්ලන්තය පත්විය.
මෙම ක්‍රියාවලියේ වේගය පිළිබඳව යුරෝපයේ ඇතැමුන්ගේ කනස්සල්ලට විසඳුම් ලෙස පසුගිය සතියේ ප්‍රකාශයක් නිකුත් කරමින් ඒජන්සිය අවධාරණය කළේ එන්නත අනුමත කරනු ලබන්නේ විද්‍යාත්මක තක්සේරුවක් මගින් එහි සමස්ත ප්‍රතිලාභ අවදානම්වලට වඩා වැඩි බව පෙන්නුම් කිරීමෙන් පසුව පමණක් බවයි.
“COVID-19 වලින් ආරක්ෂා කිරීම සඳහා එන්නතකින් ලැබෙන ප්‍රතිලාභ ඕනෑම අතුරු ආබාධයකට හෝ වෙනත් අවදානමකට වඩා විශාල විය යුතුය.”
එන්නත් වලින් ලැබෙන ප්‍රතිශක්තිය කොපමණ කාලයක් පවතින්නේද යන්න සහ දුර්ලභ හෝ බරපතල අතුරු ආබාධ තිබේදැයි බැලීමට විද්‍යාඥයින් තවමත් දිගුකාලීන පසු විපරම් දත්ත බලාපොරොත්තුවෙන් සිටී. එන්නත පිළිබඳ අවසන් පරීක්ෂණ තවමත් සිදු වෙමින් පවතී; ගර්භනී කාන්තාවන් තුළ ඇතිවන බලපෑමට අමතරව, ළමුන් තුළ ක්‍රියාත්මක වේද යන්න පිළිබඳ වැඩි විස්තර අවශ්‍ය වේ.
බ්‍රිතාන්‍යය එන්නත ලබා දීමේ ව්‍යාපාරය ආරම්භ කළ දිනයේදී බලධාරීන් දැඩි අසාත්මිකතාවන්ගෙන් පෙළෙන පුද්ගලයින්ට අනතුරු ඇඟවූයේ දෙදෙනෙකුට බරපතල අසාත්මිකතා ඇතිවීමෙන් පසුව මාත්‍රා නොගන්නා ලෙසයි.
එක්සත් ජනපදයේ රෝග පාලන හා නිවාරණ මධ්‍යස්ථාන පැවසුවේ සිකුරාදා වන විට ලබා දී ඇති බයෝටෙක්-ෆයිසර් එන්නතෙන් මිලියනයකට වඩා වැඩි ප්‍රමාණයක් අතර දරුණු අසාත්මිකතා ප්‍රතික්‍රියා හයක් පමණක් ඇති බවයි.
(ඒපී)
