දේශීය

“මුස්ලිම් නීති වෙනස් කරන්න එන්න එපා”

මුස්ලිම් නායකයන් සමග දෙහිවල ජුම්මා පල්ලියට රැස්වූ 5000ක් එක හඬින් කියති

සහරාන්ගේ බෝම්බ ප්‍රහාරය දඩමීමා කරගෙන මෙරට මුස්ලිම් ජනතාව නීතිමය වශයෙන් අනවශ්‍ය ලෙස පාලනය කිරීමට රජය දරන උත්සාහයට එරෙහිව ක්‍රියා කරන ලෙස මුස්ලිම් ආගමික නායකයන් ආණ්ඩුවේ සිටින මුස්ලිම් මැති ඇමතිවරුන්ගෙන් ලිඛිත ඉල්ලීමක් කර සිටියි.

පසුගියදා දෙහිවල ජුම්මා මුස්ලිම් පල්ලියට රුස්වූ දිවයින පුරා සිටිනා මුස්ලිම් ආගමික නායකයන් හා පන්දහසකට ආසන්න මුස්ලිම් ජනතාව මේ සඳහාවන විශේෂ සංදේශයක් එම අවස්ථාවට පැමිණ සිටි මුස්ලිම් මැති ඇමතිවරු හට බාර දී ඇත.

නීති මගින් තම සංස්කෘතික අයිතීන් වෙනස් කිරීමට රජය උත්සාහ දරන බව මුස්ලිම් නායකයන් මෙහිදී පෙන්වා දී ඇත.

විවාහ නීති, ඇඳුම පිළිබඳ නීති, පල්ලිවල සිරිත් විරිත් ආදියට රජය මැදිහත් නොවිය යුතු බව ඔවුන්ගේ මතය බව දැනගන්නට ලැබෙයි.

මේ අවස්ථාවට ඒ.එච්.එම්. ෆවුසි, රවුෆ් හකීම්, රිෂාඩ් බදියුදීන්, මුජිබර් රහුමාන්, එස්.එම්. මරික්කාර් ඇතුළු මුස්ලිම් මැති ඇමතිවරු රාශියක් එක්ව සිටියහ.

Leave a Reply

Your email address will not be published. Required fields are marked *

සබැඳි ලිපි

Back to top button