දේශීය

අස්ගිරි මහනාහිමියන්ගෙන් මුස්ලිම් විරෝධී වෛරක්කාරී බණක්

සිංහල බෞද්ධ ජනතාව වෙනුවෙන් පෙනී සිටින බවට සහතික කරන දිවයිනේ ඉහලම සංඝ නායකත්වය මුස්ලිම් විරෝධී වෛරක්කාරී බණක් වදාරමින් චමල් රාජපක්ෂ ජනාධිපති ධුරයට පත්කිරීම වෙනුවෙන් ආශිර්වාද කර තිබේ.

මුස්ලිම් වෙළෙඳාම වර්ජනය කරන ලෙස සිංහල බෞද්ධ ජනතාවගෙන් ඉල්ලා සිටි අස්ගිරි මහනාහිමියෝ ඒ සඳහා ‘යහමග පෙන්වීමට’ ද සහතික වුනා.

“මමත් කියනවා මුස්ලිම් කඩවලට යන්න එපා. ඒ කඩවලින් කන්න බොන්න එපා….” යි වරකාගොඩ ඤාණරතන අස්ගිරි මහනාහිමියන් දෙසා වදාළේ යටිනුවර, දියකෙළිනාව කිත්සිරිමෙවන් රජමහ විහාරස්ථානයේ විසි එක් රියන් සමාධි බුද්ධ ප්‍රතිමාව නිරාවරණය කිරීමේ උත්සවය අමතමිනි.

සිංහල කාන්තාවන් වඳ බවට පත් කළේ යයි ජනමාධ්‍ය මගින් අපහාසයට ලක් කෙරුනු මුස්ලිම් ජාතික වෛද්‍යවරයකුට ගල් ගැසීමට ඇතැමුන් කරන යෝජනාවද අස්ගිරි මහනාහිමියන් විසින් අනුමත කරන ලද්දේ “කළ යුත්තේ ඒක තමයි” යනුවෙන් පවසමිනි.

“ඔය වගේ ජාති ද්‍රෝහීන්ට නිදහසේ ඉන්න දෙන්න හොඳ නැහැ. උපාසකම්මලා වගයක් කිව්වා ගල් ගහලා මරන්න ඕනේ කියලා. මම එහෙම කියන්නේ නෑ. නමුත් කළ යුත්තේ ඒක තමයි.” වරකාගොඩ ඤාණරතන අස්ගිරි මහනාහිමියන් එසේ වැඩි දුරටත් සඳහන් කළේය.

Advertisements
Tags

Leave a Reply

Your email address will not be published. Required fields are marked *

සබැඳි ලිපි

Back to top button