දේශීය

දෙමළ විමුක්ති අරගලය වෙනුවෙන් දිවි පුදකළ තිලීපන් යාපනයේදී අනුස්මරණය කරයි

දෙමළ විමුක්ති අරගලය වෙනුවෙන් මාරාන්තික උපවාසයක යෙදී ජීවිතය පරිත්‍යාග කිරීම නිසා ත්‍යාගී තිලීපන් ලෙසින් ගෞරවයට පාත්‍ර වන එල්.ටී.ටී.ඊ සංවිධානයේ ලුතිතන් කර්නල් රාසයියා පාර්තිපන් තිලීපන් අනුස්මරණ කර තිබේ.

උපවාසයේ යෙදී සිටියදී මිය ගිය තිලීපන්ගේ 32 වන අනුස්මරණ දිනය නිමිත්තෙන් අද (15) නල්ලුර් කන්දසාමි කෝවිල අසල ඉදිකර ඇති තිලීපන්ගේ ස්මාරකය ඉදිරිපිට පුෂ්පදීප දල්වා උපහාර දක්වා ඇත.

සිංහල හමුදා කඳවුරු දෙමළ පළාත් වලින් ඉවත් කර ගත යුතුයි, දෙමළ ජනතාවගේ පළාත්වල තාවකාලික දෙමළ ආණ්ඩුවක් නිර්මාණය කරනා තෙක් පුනුරුත්ථාපන වැඩ තාවකාලිකව අත්හිටවිය යුතුයි, දෙමළ ජනතාවට අයිති ගම් පළාත්වල සිංහලයන් පදිංචි කරවීම කරගෙන යාම නැවැත්විය යුතුයි, දෙමළ පළාත්වල සිංහල පොලිස් ස්ථාන පිහිටුවීම නතර කළ යුතුයි, ත්‍රස්තවාදය වැලැක්වීමේ පනත යටතේ පොලිස් ආරක්ෂක මූලස්ථාන වල සිටින දේශපාලන රැඳවුම්කරුවන් වහා නිදහස් කළ යුතුයි ආදී ඉල්ලිම් ඉදිරිපත් කරමින් 1987 සැප්තැම්බර් 15 වනදා තීලිපන් උපවාසයක් ආරම්භ කළේය.

යාපනය විශ්ව විද්‍යාලය ඉදිරිපිට උපවාසයක යෙදී සිටියදී තිලීපන් මිය ගියේ 1987 සැප්තැම්බර් 26 වෙනිදා ය.

Tags

Leave a Reply

Your email address will not be published. Required fields are marked *

සබැඳි ලිපි

Back to top button
Close